Den mangfaldige Jakob Sande // føredrag ved Ove Eide
I 2006 ga Ove Eide ut biografien om Jakob Sande.
Føredraget til Eide er ei vandring i Jakob Sande sitt rike og svært samansette litterære univers. Gjennom heile forfattarskapen henta han stoffet sitt frå nokre sentrale kjelder: det vestlandske landskapet og folket som budde der, Bibelen, havet og sjømannslivet - og frå livet sjølv: kjærleiken, einsemda, lengten, døden.
![event image](https://tuploads.s3.eu-west-1.amazonaws.com/production/uploads/event/image/645068/default_file-1721134922.jpeg)
Gjennom alle år var han ein anti-autoritær forfattar, som viste fram fattigdom og urettferd - utan å peike på enkle løysingar. Men medkjensle er ikkje nok sa han: “Det gjeler å ha vett. Det er vettet som gjør verden betre. Den menneskelige forstand.” (1956).
Og han bygde bru over grensa mellom høgt og lågt, mellom folkeleg forteljekunst og tradisjonstunge diktformer. Derfor har han vunne seg eit stort publikum, spelt og sungen i mange slags lag: på nachspeil og i kyrkja, i festrus og djupaste alvor.
Dette er mangfaldet Ove Eide vil vise fram i føredraget. Fordi Jakob Sande framleis er ein aktuell forfattar.
Etter føredraget vert det eige programpost med utdeling av Samlagsprisen, der du er hjarteleg velkomen til å vere med.
Foto av Tori F. Halvorsen