Sök efter evenemang

Bli med på akademiets første dag med kurs i verselesing, samtalar, føredrag og opning.

Vi startar forteljekunstakademiet med eit forkurs i verselesing med Idun og Rolf Losnegård. Her vil deltakarane få kunnskap om diktaren sin prosess og arbeide med å framføre dikt av Jakob Sande.

Eit akademi for alle som ønskjer utvikle sine evner til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.

William Cecil Slingsby er kjent som tindesportens far i Noreg, med bragder som førstebestigninga av Store Skagastølstind i 1876 og omfattande skildringar av norsk fjellsport. Men mindre kjent er hans rolle som døropnar for kvinner i ei tid då fjellsport vart sett på som uforeinleg med deira plass i samfunnet. Gjennom foredraget deler journalist Inge Kjell Holme historia om denne progressive sida ved Slingsby og hans støtte til kvinnelege pionerar som Nikka Vonen og Therese Bertheau.

Bli med på akademiets andre dag. Med kurs, føredrag, samtale, ords for dagen og vandring. Hugs å melde frå om kva for kurs du vert med på.

Korleis sikrar du at bodskapen din treff når du presenterer i eit møte eller held eit viktig innlegg? I dagens konkurranseprega næringsliv er evna til å formidle idear på ein klar, engasjerande og overbevisande måte avgjerande. Dette kurset gir deg konkrete verktøy for å bygge sterke argument, strukturere bodskapen din og presentere med sjølvtillit – slik at du får gjennomslag når det verkeleg gjeld.

Kurs med Demian Vitanza under Forteljekunstakademiet i Fjaler. Kurset utforskar korleis skriftlege og munnlege forteljemåtar kan styrkje kvarandre gjennom arbeid med bilete og handling. Deltakarane får konkrete øvingar og filosofiske refleksjonar som munar ut i små anekdotar i både skriftleg og munnleg form. Høver alle.

Bli med på programmet fredag 20. juni under forteljekunstakademiet i Jakob Sande - senter for forteljekunst. Det blir morgontrening, kurs, oppdagelsesferd, føredrag og jonsokfeiring.

Kurs i improvisasjon med Veslemøy Mørkrid. Kurset handlar om å finne historia her og no. Deltakarane vil lære teknikkar som handlar om å vere komfortabel med å feile, ta konkrete val, seie ja og byggje vidare på vala ein har tatt. Kursdeltakarane vil også få arbeide med enkle dramaturgiske strukturar for å skape ei heilskapleg forteljing i augneblinken.

Bålet har vore den viktigaste samlingsplassen gjennom heile mennesket si historie. Var du klar over at både hjernen og døgnrytmen vår har tilpassa seg elden, og at dette heng saman med trongen vår til å dele historier? Og visste du at dagens eldsritual, som å tenne julelys eller jonsokbål, har røter heilt tilbake til bronsealderen?