Forteljekunstakademi dag 2 fredag 14.8

Du kan!

800 jenter. Så mange elevar var innom det vidgjetne Nikka Vonens Pigeinstitutt i Fjaler. Bjørnstjerne Bjørnson sende barn og barnebarn hit, og den første kvinna på Stortinget, Karen Platou, gjekk i skule hos Nikka. 

I i ei tid då få jenter fekk utdanning, via Nikka seg til å skikke elevane sine til livet. Ho må ha lukkast, for vitnemåla om Nikka er mange og gode. 

Livsverket hennar var hjartedanning, sa soknepresten Døskeland. I eit minneord skreiv han: «Hennar undervisning og oppdraging av elevane var i beste forstand øving i livskunst». Ei av jentene sa: «Samværet med Nikka ga oss alltid mot og håp. Det var som om hun sa, med eller uten ord: Du kan!».

Under årets tema kvinna, tek Sandesenteret sats i arven etter Nikka. 

Velkomen til Forteljekunstakademiet «Du kan!», der du blir kjend med Nikkas idear om danning og utviklar dine evner til skriftleg og munnleg forteljing. 

DAG 2: FREDAG 14. AUGUST

10-12 Kurs i munnleg forteljekunst med folkeminne frå Nikka Vonen. 

Nikka var allsidig, og gjorde òg eit arbeid som folkeminnesamlar. Då ho flytta heim i 1862 byrja ho å skrive ned folkelivsskildringar. Eilert Sundt publiserte fleire av skildringane hennar i ulike tidsskrift og Nikka gav ei samling til Bergen museum. Nikka skreiv dansk, men brukte dialekt i direkte tale. Slik er minna òg viktige kjelder til sunnfjordmålet. 

Kursleiar Heidi Dahlsveen er forfattar, forteljar og høgskulelektor i forteljekunst ved OsloMet. Med folkeminna til Nikka som materiale, held ho kurs i munnleg forteljekunst. 

12 Nikka vonens matbord i Løa. Lunsj er inkludert i billetten. 

13 Oppsummering og avslutning

Etter akademiet startar Fest i Fjaler.