SØK ETTER ARRANGEMENTER
Sommarsesongen er i gong, og vi ønskjer velkomne til eit historisk tilbakeblikk på turismen i gamle Sunnfjord. Mary Ann Menes frå Norsk Reiselivsmuseum tek oss med på ei reise gjennom reiseruter, overnattingsstader og kjøpesterke gjester frå 1800-talet
I dette sommarprogrammet møter vi Arill Riise, som vil fortelje om oppvekst og hendingar i klyngetunet Riise ved Hjørundfjorden.
På 1700- og 1800-talet reiste fleire kvinner frå Sunnfjord til Bergen for å tene som ammer for velståande familiar. Kva fekk gifte koner til å forlate eigne barn, og korleis reagerte samfunnet? Dette har Kristine Ness ved Sunnfjord Museum forska på, med utgangspunkt i livet til husmannskona Marte Movik. Laurdag 30. juli kl. 18 held ho føredrag om temaet i Løa i Sandesenteret, der det òg vert høve til samtale etterpå.
Platesamlar og høgskulelektor Arild Torvund Olsen kjem til Sandesenteret for å halde kviss og kåseri om nynorsk platehistorie.
Møt Kjartan Hatløy i samtale med Sivert N. Nesbø om Hatløys siste utgjeving Mot kaos.
Møt Katrine Sele i samtale med Teresa Grøtan om hennar nyaste bok, Menn som nesten elska meg. I denne ærlege og sårbare memoarforteljinga skildrar Sele sju år med dating, forelskingar, kjærleikssorger og forsøka på å kome nær eit anna menneske utan å miste seg sjølv.
Samlaget har trykt opp eit nytt opplag av Ove Eide sin biografi om Jakob Sande. Dette markerer vi med ein samtale om Jakob Sande, forteljekunsten og dei ulike vegane til Sande si dikting.
Far og son, dikt og film: Ingvar Nistad, lyrikar frå Fjaler, og sonen Sverre Kvamme, filmskapar frå Fusa, møtast på Ingvars heimebane under Fest i Fjaler. Nistad deler dikt frå sitt særeigne poetiske univers, medan Kvamme viser ein personleg kortfilm om bestemor Gunnlaug og hennar liv som den siste gjenlevande i Nistadlia i Dalsfjorden.
Eg skal ikkje gløyme kvelden, augustikvelden, du veit,
eg lå utmed stranda og pilka den stunda då fisken beit.
I vest stod ei diger kveldsol og lutte mot himmelrand,
men det var ei jordisk kveldsol som skein på ei jordisk strand.
Halvor Folgerø, forfattar, musikar og journalist frå Stord, held kåseri i Løa. Gunnstein Akselberg introduserer. Folgerø har ei lang karriere i NRK, der han har jobba med alt frå nyhende og humorprogram til "Eides språksjov". Som forfattar har han gjort suksess med bøkene "Vestlandsvegar" og "Fleire vestlandsvegar", og i 2024 følgde han opp med "Ferjefolket", om livet på dei ikoniske norske ferjene.
I frigjeringsåret 2025 er det viktigare enn nokon gong å løfte fram historia om motstand, offer og konsekvensar frå andre verdskrig. Forfattar Vivian Midttveit kjem for å dele gripande forteljingar frå boka si, Krigens fargar: Levande historier frå hemnaksjonen på Telavåg, der ho gir stemme til ei av dei mest dramatiske hendingane i norsk krigshistorie.
